Rossiya Britaniyaning Skripallar ishi bo‘yicha javoblaridan norozi

Rossiyaning Kimyoviy qurolni taqiqlash bo‘yicha tashkilotdagi (KQTT) vakolatxonasini London tomonidan GRU sobiq polkovnigi Sergey Skripal va uning qizi Yuliya zaharlanishi bo‘yicha ish yuzasidan taqdim etilgan javoblar qanoatlantirmadi. Bu haqda RIA «Novosti» Rossiyaning tashkilotdagi doimiy vakolatxonasiga asosan xabar bermoqda.

«Britaniya tomonidan olingan materiallar bizni qanoatlantirmayapti. Bizga, albatta, yanada jiddiy tahlil uchun vaqt talab etiladi. Birinchi taassurot – britaniyaliklar biz bergan eng muhim savollarga javob qaytarmagan», - deyiladi bayonotda.

Eslatib o‘tamiz, avvalroq Rossiya KQTTda Britaniyadan Skripal ishi bo‘yicha javoblarni olgandi.