Turkiyada zilzila, qariyb 40 kishi jabrlandi

Turkiya janubida zilzila yuz berdi, hodisa oqibatida 39 kishi jabrlandi. Bu haqda Anadolu agentligi mamlakat sog‘liqni saqlash vaziri Ahmad Demirjanga asosan xabar bermoqda.

Ta'kidlanishicha, yer silkinishi Adiyoman viloyatida yuz bergan.

«Adiyomandagi zilzila oqibatida 39 kishi jabrlandi. Ayni damda ulardan 35 nafari shifoxonalarda qolmoqda. Og‘ir jarohat olgan bemorlar yo‘q», - deya ma'lum qilgan Demirjan.

23 apreldan 24 aprelga o‘tar kechasi Turkiyaning Adiyoman viloyatida 5,1 balli zilzila yuz berdi. Turkiya bosh vaziri Binali Yildirim zilzila oqibatida halok bo‘lganlar yo‘qligini ma'lum qilgan.