AQSh Polshadagi harbiylari sonini yanada oshirishga tayyor

AQSh mudofaa mahkamasi rahbari Jyeyms Mettisning ma'lum qilishicha, Amerika rahbariyati Polsha hududida o‘z harbiy ishtirokini kuchaytirish va harbiylari sonini oshirish bo‘yicha muzokaralarga tayyor. Uning bayonoti matni Pentagon saytida joylashtirildi.

«Polsha – NATO bo‘yicha bizning ittifoqchi. Biz NATOga qo‘shinlarni xavfsizlik talablariga muvofiq tarzda qabul qilamiz. Shuning uchun bunday munozaralar uchun har doim ochiqmiz», - deya aytib o‘tdi Mettis.

U Polsha mudofaa vaziri Mariush Blashchak bilan uchrashuvdan avval shunday bayonot berdi.

Eslatib o‘tamiz, avvalroq AQSh yangi davlat kotibi Mayk Pompeo Turkiyaning Rossiyadan S-400 xarid qilish bo‘yicha rejalariga munosabat bildirgandi.