Namangan viloyatining Chust tumanida joriy yilning 26 aprel kuni 1978 yilda tug‘ilgan fuqaro A.B. viloyat IIBga ariza bilan murojaat qilib, unda o‘zining singlisi N.X. tanishi Sh.D. orqali uni qasddan o‘ldirish uchun yollashni rejalashtirib, M.A. orqali 1,5 mln. so‘m va 50 AQSh dollari berganligi, qotillik jinoyatini amalga oshirgandan so‘ng yana qo‘shimcha ravishda 1000 AQSh dollari berishini va'da qilayotganligini ma'lum qilgan. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.
Mazkur ariza yuzasidan o‘tkazilgan tezkor tadbirlar davomida N.X. va M.A.lar Sh.D.ga akasi A.B.ni qasddan o‘ldirish shartligini telefon orqali qayta tushuntirib, reja amalga oshgan taqdirda qo‘shimcha ravishda 1000 AQSh dollari berishini aytgan vaqtida tadbir ishtirokchilari tomonidan ushbu so‘zlashuv yozib olingan.
A.B.ning yashash uyida go‘yoki uni qasddan o‘ldirilganligi holati sahnalashtirilib, bu haqda Sh.D. qotillik jinoyatini sodir etishga buyurtma bergan N.X. va M.A.larga ma'lum qilgan hamda N.X. shu kuni yashash uyi oldida Sh.D.ga 100000 so‘m pullarni bergan vaqtida ichki ishlar organlari tezkor guruhi tomonidan qo‘lga olingan.
Mazkur holat yuzasidan N.X. va M.A.larga nisbatan O‘zbekiston Respublikasi Jinoyat kodeksining 25 va 97-moddasi 2-qismi bilan jinoyat ishi qo‘zg‘atilib, hozirda tergov harakatlari olib borilmoqda.
