Turkmaniston prezidenti qo‘shinlar jangovar shayligini to‘satdan tekshirdi

Turkmaniston prezidenti Gurbanguli Berdimuhamedov milliy armiya jangovar shayligini to‘satdan tekshiruvdan o‘tkazdi. Bu haqda "Neytralnyy Turkmenistan" gazetasi xabar bergan.

Turkmaniston rahbari payshanba kuni tong otishidan bir necha soat avval videoaloqa orqali Davlat xavfsizlik kengashi kotibi, mudofaa vaziri, general-polkovnik Yaylim Berdiyevga mamlakat Qurolli kuchlari bo‘linmalarini jangovar shay holatga tezkor tartibda keltirish haqida buyruq berdi.

Shundan so‘ng prezident o‘quv-mashg‘ulot poligonlaridan biriga kelib, zamonaviy harbiy-havo va maxsus texnika namunalarini ko‘zdan kechirdi. 

Berdimuhamedov kvadrosikllardan birini ham sinab ko‘rgan, u unda harbiy-transport samolyot ichiga kirib bordi. Turkmaniston rahbari qo‘shinlar, qurol va boshqa harbiy texnikani olib o‘tishga mo‘ljallangan bu samolyotning imkoniyatlari haqida ma'lumot oldi.

So‘ng Turkmaniston prezidenti qo‘mondonlik punktiga yo‘l olib, u yerdan mamlakat harbiy aviatsiyasi va havo hujumidan mudofaa qo‘shinlarining poligondagi harakatlarini kuzatdi.

Berdimuhamedov Davlat xavfsizlik kengashining yig‘ilishini ham o‘tkazdi, unda harbiylar va huquqni muhofaza qilish organlarining joriy yil to‘rt oyi davomidagi faoliyati yakunlari ko‘rib chiqildi.