12:36 / 06.05.2018
12725
АҚШ бутун флотини лазер қуроли билан қуроллантирмоқчи
Фото : REUTERS / JOHN WILLIAMS/U.S. NAVY

АҚШ флотида Phalanx MK-15 зенит артиллерия мажмуаси ўрнини Helios лазер қуроли эгаллайди.

Daily Star нашри маълумотларига кўра, суперкучли қурол АҚШ ҳарбий-денгиз кучларининг барча жанговар кемаларида ўрнатилади ва кўплаб хавфлардан, жумладан дронлардан ҳимоялай олади.  

“Гап учувчисиз парвоз қурилмалари, кичик кемалар ва яқин масофага мўлжалланган баъзи қуроллардан ҳимоялашга зарур куч ва нур структурасига эга лазер ҳақида кетмоқда”, деб маълум қилган нашр манбаси.

Бундан ташқари, лазерлар ҳарбий-денгиз кучларига кемаларда баъзи ноқулайликларга сабаб бўлувчи ўқ дори сақлаш заруратидан воз кечишга имкон беради.    

Бироқ мутахассисларнинг таъкидлашича, лазер қуроли учун ҳали унга мос электр таъминоти яратиш лозим.

Top