Dushanba va seshanbada Oʻzbekiston hududining katta qismida quruq va iliq ob-havo saqlanib turadi, deya xabar bermoqda Oʻzgidromet.
Havo biroz bulutli, baʼzi joylarda oʻzgaruvchan boʻladi, yogʻingarchilik kutilmaydi, faqat Toshkent viloyatida dushanba kechqurun va 29-sentabr kuni kechasi baʼzi joylarda qisqa muddatli yomgʻir yogʻishi, momaqaldiroq boʻlishi mumkin.
Havo harorati asosan kunduz kunlari +25…+28 daraja, kechalari +10…+13 daraja boʻladi.
30-sentabr va 1-oktabr kunlari respublika hududi boʻyicha (Qoraqalpogʻiston Respublikasi va Xorazm viloyatidan tashqari) baʼzi joylarda yomgʻir yogʻadi, momaqaldiroq boʻlishi mumkin. 2-oktabrda yogʻingarchilik kutilmaydi.
Harorat kechalari +8…+13 daraja, kunduz kunlari +21…+24 daraja, baʼzi joylarda +26 darajagacha boʻladi.
Respublikaning togʻoldi va toli hududlarida hafta davomida vaqti-vaqti bilan yomgʻir yogʻadi, 30-sentabr – 1-oktabr kunlari baʼzi joylarda kuchli yomgʻir yogʻadi. Baland togʻlarda qorga aylanishi mumkin.
Sharqiy shamol yoʻnalishini oʻzgartirib, gʻarbdan 7–12 metr/soniya tezlikda esadi, 31-sentabr va 1-oktabrda choʻl hududlarda va janubda baʼzi joylarda 14 metr/soniyagacha kuchayadi.
Toshkent shahrida dushanba kechqurun va 29-sentabrda kechasi biroz qisqa muddatli yomgʻir yogʻishi, momaqaldiroq boʻlishi mumkin. Harorat asosan kechalari +10…+13 daraja, kunduz kunlari +25…+28 daraja boʻladi.
30-sentabr va 1-oktabrda vaqti-vaqti bilan yomgʻir yogʻadi, momaqaldiroq boʻlishi mumkin. 2-oktabrda yogʻingarchilik kutilmaydi. Harorat kechalari +10…+13 daraja, kunduz kunlari +21…+24 daraja boʻladi. Shamol sharqdan 3–8 metr/soniya tezlikda esadi.
