«Lokomotiv» stadioni hududida ibodat uchun joy tayyorlandi

Yurtimizda Islom dinini yoshlarga  yetkazish, uni to‘g‘ri  tashviqot qilish yo‘lida ko‘plab amaliy ishlar bajarilmoqda.

Bir necha kundan so‘ng, muborak Ramazon oyi kirib keladi. Shu munosabat yuzasidan «Lokomotiv» stadioniga tashrif buyurgan futbol muxlislari uchun 4-sektor oldida, alohida ajratilgan joyda namoz ibodatlarini bajarishlari va tahorat olish xonalari tashkil etiladi. Bu haqda «temiryo‘lchilar» matbuot xizmati xabar bermoqda.

«Lokomotiv» stadionida navbatdagi o‘yin 11 may kuni o‘tkaziladi. Unda «Lokomotiv» va «Buxoro» bellashadi. Bahs soat 20:30da boshlanadi.