Nadejda Savchenko advokatlar xizmatidan bosh tortdi

Foto: Reuters /Valentyn Ogirenko

Ukraina Oliy radasi deputati, Rada binosida terakt sodir etishga tayyorgarlik ko‘rishda gumonlanayotgan Nadejda Savchenko himoyachilar xizmatidan bosh tortdi. Bu haqda RIA «Novosti» advokat Oleg Soloveyga asosan xabar qilmoqda.

«U bugun men va Dmitriy Bugay (Savchenko ishidagi yana bir himoyachi – tah.) oldida barcha advokatlardan bosh tortishi haqidagi hujjatga qo‘l qo‘ydi», - deya aytib o‘tgan Solovey.

Nadejda Savchenkoning singlisi Vera bergan xabarga ko‘ra, Oliy rada deputati 50 kundan beri ochlik e'lon qilgan.

Eslatib o‘tamiz, avvalroq mamlakat prezidenti Pyotr Poroshenko Ukraina sharqida rossiyalik 10 ming askar borligini ma'lum qilgandi.