Rossiya yadro quroli sinovlarini nazorat etish tizimi haqida video e'lon qildi

Rossiya Mudofaa vazirligi feysbukda dunyodagi yadroviy qurol sinovlari bo‘yicha nazorat tizimi haqida videolavha e'lon qildi.

«Rossiya Mudofaa vazirligi vazirlikdagi maxsus nazorat xizmati (MNX) xodimlari ishi haqida birinchi marta videorolik e'lon qildi. Chet elda yadroviy qurol sinovlarini nazorat qilish bilan bir qatorda, Rossiya Mudofaa vazirligining maxsus nazorat qilish xizmati yadroviy qurol sinovlarini cheklash va taqiqlash to‘g‘risidagi xalqaro shartnomalarga rioya etilishini nazorat qiladi», - deyiladi xabarda.

Shuningdek, mahkamadan qo‘shimcha qilishlaricha, «Xizmatning boshqa ustuvor vazifalari qatorida - Yer yuzasidagi seysmik va radiatsion vaziyatni, Rossiya Federatsiyasi hududidagi (texnik vositalarning imkoniyatlari doirasida) istalgan yadroviy avariyani nazorat qilish» ham bor.

Shu bilan birga, Xizmatga Rossiya hududida geofizik monitoringni o‘tkazishda ishtirok etish vazifasi ham yuklandi.

Eslatib o‘tamiz, avvalroq Rossiya xorijda yadro sinovlarini yashirish bo‘yicha ishlanmalar borligi haqida ma'lum qilgandi.