Maradona Belarus klubi boshqaruv raisi bo‘ldi

Argentina terma jamoasi sobiq hujumchisi Diyego Maradona Brestning "Dinamo" klubi boshqaruv raisi bo‘ldi. 

"Afsonaviy futbolchi Diyego Armando Maradona klubimiz bilan 3 yillik shartnoma imzoladi hamda boshqaruv raisi lavozimiga kirishdi. Maradona klubni rivojlantirish strategiyasi bilan shug‘ullanadi, shuningdek, yoshlar akademiyasi va klubning boshqa tuzilmalar bilan birga ishlaydi. Diyego Rossiyadagi jahon chempionatidan so‘ng o‘z lavozimiga kirishadi", – deyiladi klub matbuot-xizmati bergan xabarda. 

Brestning "Dinamo"si Belarus chempionatida 7-turdan so‘ng 9 ochko bilan 8-pog‘onani band etib turibdi.