Toshkent viloyatida MAN yuk mashinasi elektrovoz bilan to‘qnashdi, bir kishi halok bo‘ldi

Foto: Ijtimoiy tarmoqlar

Toshkent viloyatining Qibray tumanida ko‘ngilsiz voqea yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 16 may kuni O‘rta Chirchiq tumanida yashagan T.B. o‘ziga biriktirilgan “MAN” rusumli yuk avtomashinasini Baytqo‘rg‘on mahallasidan o‘tuvchi “Bo‘zsuv-Oqqovoq” temir yo‘lining 4402-km.da tartibga solinmaydigan temir yo‘l kesishmasidan o‘tayotganida, shu yerda harakatlanib kelayotgan elektrovoz bilan to‘qnashuv sodir etgan.

Natijada yuk avtomashinasi haydovchisi T.B. jarohat olib voqea joyida vafot etgan.