8208.04 USD +26.96

9490.14 EUR +63.08

123.85 RUB +1.12

10796.9 GBP +61.65

08:31 / 19.05.2018 7352

Илон Маск The Boring Company томонидан қурилган туннель бўйлаб сафар қилиш қанчага тушишини айтди

Фото: The Boring Company

Илон Маск ва The Boring Company компаниясининг директори Стив Дэвис, Лос-Анжелесда шаҳарнинг метрополитени билан биргаликда қурилиши режалаштирилган Loop тезюрар ер ости магистрал йўллари лойиҳаси ҳақида сўзлаб берди. Тадбиркорларнинг сўзларига кўра, ишланма кишиларга шаҳар маркази ва аэропорт ўртасидаги масофани саккиз дақиқа ичида босиб ўтиш имконини беради. Ва бу деярли бепул амалга ошади.

Loop деб номланган битта капсула 16 кишини ўзига қабул қилиши мумкин. Бир марта сафар қилиш нархи бир долларга тенг. Бу автобус чиптасидан ҳам арзон. Синовларда капсулалар соатига бир неча юз километрга тезлаша олди. Линия ишга туширилганда, капсулаларнинг ўртача тезлиги соатига 240 километр бўлади. Лос-Анжелес метрополитени Маскнинг компанияси билан ҳамкорлик тафсилотларини тез орада ошкор этишга ваъда берди.

Ҳозирги вақтда The Boring Company Лос-Анжелес остидаги биринчи туннель қурилишини мувофиқлаштирмоқда. Лойиҳа шаҳар бўйлаб 60 миллик Loop туннель тармоғининг қурилишига қўйилган биринчи қадам бўлади. Стив Дэвиснинг айтишича, Лос-Анжелесдан Сан-Францискогача туннель бир неча ҳафта ичида қурилиши мумкин.

Лос-Анжелесдаги синагогада бўлиб ўтган лойиҳанинг тақдимотига Маск 25 дақиқага кечикиб келиб, бунга тирбандлик сабаб бўлганини истеҳзо билан айтди. Тақдимот чоғида у нега учар машиналар тирбандлик муаммосини ҳал қилиш учун мос эмаслигини айтиб ўтди. Туннеллар, унинг фикрига кўра, йўловчилар учун учар автомобилларга қараганда камроқ стрессли транспорт, аммо худди улар каби «қувноқдир».

Top