KXDR janubiy koreyalik jurnalistlarga «rozilik» berdi

Shimoliy Koreya hukumati «Pungeri» yadroviy poligonining yopilishida ishtirok etuvchi janubiy koreyalik jurnalistlar ro‘yxatini tasdiqladi. Bu haqda «Ryonxap» xabar bermoqda.

Ta'kidlanishicha, KXDR bunga qadar Janubiy Koreyadan bo‘lgan jurnalistlar ro‘yxatini bir necha marta rad etdi.

Bundan avval bortida xorijiy jurnalistlar bo‘lgan samolyot Shimoliy Koreyaning Vonsan shahri yaqinida joylashgan Kalma aeroportiga qo‘ngani haqida xabarlar tarqaldi. Shu bilan birga, matbuot vakillari «Pungeri» poligoniga bugun, 23 may kuni boradi.

Eslatib o‘tamiz, avvalroq KXDR va AQSh yetakchilari sammitining o‘tkazilish ehtimoli 99,9 foizga baholangandi.