Kolumbiya NATOning global hamkoriga aylanadi

Kolumbiya prezidenti Xuan Manuel Santosning e'lon qilishicha, NATO bilan hamkorlik bo‘yicha kelishuvga erishilgan. Bu haqda RIA «Novosti» xabar berdi.

«Yana bir katta yangilik. Kelasi haftada biz Kolumbiyaning NATOga global hamkor sifatida kirishiga rasmiy tus beramiz», - deya aytib o‘tdi u.

Uning so‘zlariga ko‘ra, Kolumbiya Lotin Amerikasida shunday o‘ziga xos imtiyozga ega bo‘ladigan yagona davlatga aylanadi.

2013 yilda Kolumbiya va NATO maxfiy ma'lumotni almashish bo‘yicha bitim imzolagan. Ta'kidlanishicha, Kolumbiya «NATOning bir qismi» bo‘lishni xohlamaydi, biroq «tashkilotdan o‘rganishni, giyohvand moddalar hamda terrorizmga qarshi kurashda tajriba almashishni» istaydi. Kelishuv Bryusselda imzolangandi.

Eslatib o‘tamiz, avvalroq NATO Malayziya layneri halokati bo‘yicha Rossiyaga qo‘yilgan ayblovlarni qo‘llab-quvvatlagandi.