«Real» Yevropa chempionlar ligasining qatorisiga uchinchi finalida «Liverpul» ustidan g‘alabaga erishib, ko‘hna qit'aning eng nufuzli turniridagi sovrinlari sonini 13 taga yetkazib qo‘ydi.
Albatta, «Liverpul»ning eng ishongan yulduzi misrlik Muhammad Saloh jarohatlanmaganida o‘yin boshqacha tus olishi mumkin edi. Lekin avvaldan ta'kidlanganidek, ishtiyoqdan tajriba ustun bo‘ldi. Hamma ayb Ramosda deyishlari mumkin, lekin u bechora ham og‘ir kubokni boshi uzra dast ko‘tarishdan abjag‘i chiqib ketmoqda.
Haqli ravishda o‘yinning eng yaxshi o‘yinchisi deb topilgan Garet Beylning dubli (u zaxiradan maydonga tushib, finalda dublga erishgan ilk futbolchi bo‘ldi), «Liverpul» darvozaboni Loris Kariusning no‘noqlarcha harakati evaziga kiritilgan gollar bilan esda qoladigan bo‘ldi mazkur final.
64-daqiqada Beylning qaychi usulida kiritgan birinchi goli hali uzoq yillar TV ekranlarini bezab tursa kerak.
Eslatib o‘tamiz, 2018/19 mavsumdagi Yevropa chempionlar ligasi finali Ispaniya poytaxtida — «Atletiko» Madridning yangi stadioni «Vanda Metropolitano»da bo‘lib o‘tadi. Ajabmas, «Real» o‘z ona shahrida o‘tadigan navbatdagi finalda ham g‘alaba qozonsa…
Yevropa chempionlar ligasi — 2017/18
«Real» Madrid (Ispaniya) – «Liverpul» Angliya 3:1 (0:0)
26 maya, Kiyev. «Olimpiyskiy» MSJ. 61561 tomoshabin
Gollar: 1:0 – Benzema (51), 1:1 – Mane( 55), 2:1 – Beyl (64), 3:1 – Beyl (83).
Real Madrid: Navas, Karvaxal (Nacho, 37), Varan, Ramos, Marselo, Modrich, Kazemiro, Kroos, Isko (Beyl, 61), Benzema (Asensio, 89), Ronaldu.
Liverpul: Karius, Aleksander-Arnold, Lovren, van Deyk, Robertson, Veynaldum, Henderson, Milner (Jan, 83), Salah (Lallana, 30), Firmino, Mane.
Ogohlantirish: Mane (82).
Bosh hakam: Miload Majich (Serbiya)
