«Alberto» subtropik po‘rtanasi AQShning Florida shtati qirg‘og‘iga yopirildi. Bu haqda RIA «Novosti» Qo‘shma Shtatlar Dovullarni kuzatish bo‘yicha milliy markaziga asosan xabar bermoqda.
Ta'kidlanishicha, shamolning maksimal tezligi soatiga taxminan 72 kilometrni tashkil etmoqda.
Avvalroq, «Alberto» dovuli mamlakat iqtisodiyotiga 1 mlrd dollarlik zarar yetkazishi mumkin ekani haqida xabarlar tarqalgandi.
Aniqlik kiritilishicha, mintaqaga bevosita yetkazilgan zarar miqdori taxminan 400-500 mln dollarni tashkil etadi. Ekspertlar o‘z hisob-kitoblarida daraxtlar tufayli zarar ko‘rgan avtomobillar, uylarning tomi va suv toshqini oqibatlarini nazarda tutgan.
Shuningdek, ma'lum bo‘lishicha, Alabama shtati gubernatori Key Ayvi «Alberto» dovuli tufayli favqulodda holat e'lon qildi.
Eslatib o‘tamiz, avvalroq Meksikaga «Alberto» po‘rtanasi yaqinlashayotgani xabar berilgandi.
