UFC sobiq chempioni jiddiy muammolar tufayli faoliyatini yakunladi

UFC'ning o‘rta vazn toifasidagi sobiq chempioni Maykl Bisping sport faoliyatini yakunlash haqida qaror qabul qildi. 39 yoshli angliyalikning sog‘lig‘ida paydo bo‘lgan muammolar aralash yakkakurashlardan (MMA) ketishga sabab bo‘ldi, deb xabar qilmoqda Bloody Elbow.

«Bu uzoq yo‘l bo‘ldi. Men MMA’da 2003 yildan beri ishtirok etib kelaman, barcha 15 yil davomida professional jangchi sifatida o‘zimni ko‘rsatdim va UFC’da 12 yoki 13 yil o‘tkazdim. Bu abadiy davom etishi mumkin emas, hamda men rasmiy bayonot beraman - keyingi jang haqida emas, balki MMA’dan ketayotganim haqida», - deya aytib o‘tdi Bisping.

Angliyalik jangchi o‘z faoliyati davomida 39ta jang o‘tkazib, ularning 30tasida g‘alaba qozongan.

Bisping o‘zining so‘nggi jangini 2017 yilning 25 noyabr kuni o‘tkazgan: u amerikalik Kelvin Gastelumga qarshi jangda mag‘lub bo‘ldi. 

Eslatib o‘tamiz, avvalroq UFC jangchisi uydagi zo‘ravonlikda ayblanib hisbga olingandi.