Sergey Lavrov KXDRga boradi

Foto: IZVeSTIYa/Pavel Bednyakov

Rossiya tashqi ishlar vaziri Sergey Lavrov 31 may kuni KXDRga rasmiy tashrif bilan boradi. Bu haqda Rossiya TIV xabar berdi.

«31 may kuni Rossiya Federatsiyasi tashqi ishlar vaziri S.Lavrovning Koreya Xalq-Demokratik Respublikasiga rasmiy tashrifi amalga oshiriladi», - deyiladi xabarda.

Kutilishicha, Lavrov shimoliy koreyalik hamkasbi Li Yon Xo bilan ikki tomonlama kun tartibi va Koreya yarim oroli atrofidagi vaziyatni muhokama qiladi.

Shuningdek, muhim mintaqaviy va xalqaro muammolar yuzasidan fikr almashiladi.

Eslatib o‘tamiz, avvalroq KXDR vakili Nyu-Yorkka kelayotgani xabar qilingandi.