Abdulaziz Komilov Qatarga boradi

Foto: KUN.UZ

O‘zbekiston Respublikasi tashqi ishlar vaziri Abdulaziz Komilov boshchiligidagi delegatsiya 2018 yilning 2-4 iyun kunlari amaliy tashrif bilan Qatar davlatida bo‘ladi. Bu haqda TIV axborot xizmati xabar bermoqda.

O‘zbekiston delegatsiyasi Doha shahrida Qatar bosh vaziri o‘rinbosari, tashqi ishlar vaziri shayx Muhammad Ben Abdel Rahman Ben Jasem Al Tani bilan uchrashuv va muzokaralar o‘tkazishi va ikki tomonlama munosabatlarni rivojlantirish istiqbollari, dolzarb xalqaro va mintaqaviy muammolarni muhokama qilishi rejalashtirilgan.

Eslatib o‘tamiz, avvalroq Komilov Lavrov bilan Putinning Toshkentga tashrifini muhokama qilgandi.