«Umid qilamanki, u qachonlardir qaytadi». Nadal Zidanga minnatdorlik bildirdi 

Ispaniyalik tennischi, Madridning «Real» klubi ishqibozi bo‘lgan Rafael Nadal Zayniddin Zidan jamoa bosh murabbiyi lavozimidan ketayotganidan afsusda ekanini bildirdi.

«Bu syurpriz bo‘ldi, men qator sabablarga ko‘ra uning ketishiga ishongim kelmayapti. Birinchidan, u yaxshi murabbiy va klub bilan ko‘p narsaga erishdi. Ikkinchidan, u yaxshi, kamtar inson, to‘g‘ri qadriyatlarni o‘zida aks ettiradi hamda sport va hayotda misol bo‘ladi oladi.

Zidan har doim xotirjam bo‘lib, o‘yinchilar va jamoaga ishonib keldi. U eng yaxshisini tanlashga haqli. Men unga faqat minnatdorlik bildirishim mumkin. Umid qilamanki, Zidan qachonlardir «Real»ga qaytadi», - deya Nadalning so‘zlarini keltiradi AS.

45 yoshli fransiyalik mutaxassis «qaymoqranglilarga» 2016 yildan beri ustozlik qilib kelayotgandi. Jamoa uning qo‘l ostida Chempionlar ligasida uch bor g‘alaba qozondi, ikki marta UYeFA superkubogida zafar quchdi va klublar o‘rtasidagi jahon chempionatida tengsiz bo‘ldi. Shuningdek, klub Ispaniya chempioni va Ispaniya superkubogi sohibiga aylandi.

Eslatib o‘tamiz, avvalroq Zidan «Real»dan ketayotgani haqida ma'lum qilgandi.