Rasman: Zidan «Real»dan ketayotgani haqida ma'lum qildi

Madridning «Real» klubi bosh murabbiyi Zayniddin Zidan jamoadan ketishi haqida rasman ma'lum qildi.

Zidan bu haqda rejadan tashqari tashkil etilgan matbuot anjumani vaqtida xabar berdi. Jurnalistlar bilan uchrashuvga Madrid klubi prezidenti Florentino Peres ham kelgan

«Madrid menga barcha narsani berdi, hamda qolgan barcha hayotimni bu klub yonida  o‘tkazishga tayyorman. Mening qarorim ko‘pchilikka tushunarsiz bo‘lishi mumkin, biroq o‘zim uchun ma'noga ega. O‘zgaradigan vaqt keldi», - deya aytib o‘tdi Zidan.

Fransiyalik mutaxassis boshchiligida «Real» Ispaniya chempioniga aylandi, shuningdek, Chempionlar ligasida qatorasiga uch marotaba g‘alaba qozondi.