Xitoy AQShni ichki ishlarga aralashishda aybladi

Xitoy Xalq-ozodlik armiyasi Harbiy fanlar akademiyasi vitse-prezidenti Xe Ley Pentagon rahbari Jyeyms Mettisning Xitoy Janubi-Xitoy dengizida xalqaro qoidalarni buzayotgani bo‘yicha bayonotini mamlakat ichki ishlariga aralashuv, deb atadi. 

«Janubi-Xitoy dengizidagi bizning orollar va riflarda qo‘shinlar yoxud qurollar joylashtirilishi o‘zimizning suveren huquqlar doirasidadir, bunga xalqaro qonunchilik bilan ruxsat berilgan. Xitoyning Janubi-Xitoy dengizi orollaridagi harakatlariga nisbatan tanqidiy munosabatda bo‘layotgan istalgan shaxs yoki davlat XXR ichki ishlariga aralashishga urinmoqda, bu rad etilmaydigan holat», - deya aytib o‘tgan Xe Ley.

U Singapurdagi «Shangri-La dialog» xavfsizlik bo‘yicha konferensiyasida shunday bayonot bilan chiqqan.

Eslatib o‘tamiz, avvalroq Pentagon rahbari Jyeyms Mettis AQSh Xitoy bilan raqobatga kirishishni emas, balki hamkorlik qilishni xohlashi haqida ma'lum qilgandi.