Ispaniyada yangi bosh vazir qasamyod keltirdi

Ispaniya Sotsialistik partiyasi yetakchisi Pedro Sanches mamlakat bosh vaziri sifatida qasamyod keltirdi. Bu haqda El Pais xabar bermoqda.

Marosim Ispaniya qiroli Filipp VI ishtirokida bo‘lib o‘tdi. Sanches mamlakat va qirolga xizmatida «o‘z majburiyatlarini vijdonan va halol bajarishga» va'da berdi.

Nashrning ta'kidlashicha, marosim katolik diniy belgilarisiz o‘tgan.

Eslatib o‘tamiz, avvalroq Ispaniya parlamenti mamlakat hukumati va bosh vaziri Mariano Raxoyga impichment e'lon qilgani xabar berilgandi. Ta'kidlanishicha, bunday qaror 2013 yilda avj olgan va hozirgacha surishtiruvdan o‘tkazilayotgan korrupsiya mojarosi tufayli qabul qilingan.