Kanada AQSh ustidan JSTga shikoyat qildi

Kanada AQSh po‘lat va alyuminiyga bojlar joriy etgani tufayli Jahon savdo tashkiloti (JST)ga shikoyat bilan chiqdi. Bu haqda CNBC xabar bermoqda.

Kanada tashqi ishlar vaziri Xristya Frilandning ta'kidlashicha, AQShning bir tomonlama bojlari yolg‘on bahonalar bilan joriy etildi.

«Bojlar Qo‘shma Shtatlarning xalqaro majburiyatlari va JST qoidalariga ziddir», - deya qayd etib o‘tdi vazir.

Frilandning so‘zlariga ko‘ra, Ottava Yevroittifoq bilan qalin hamkorlik qilib, Vashingtonning bunday qaroriga birgalikda qarshi chiqadi.

Eslatib o‘tamiz, avvalroq Tramp Kanada va Meksikaga o‘z shartini aytgandi.