Shvetsiyada arab tili tarqalganlik bo‘yicha ikkinchi tilga aylandi

Shvetsiyada muhojirlarning ko‘plab kelgani sababli arab tili tarqalganlik bo‘yicha shved tilidan keyin ikkinchi tilga aylandi. Bu til 200 mingdan ko‘proq odam uchun ona tili hisoblanadi. Bu haqda shvetsiyalik tilshunos Mikael Parkvall yozdi.

Olimning fikricha, arab tili avval ikkinchi o‘rinni egallagan fin tilini siqib chiqargan. 

Oxirgi yillarda Shvetsiyaga Yaqin Sharq davlatlaridan o‘n minglab muhojirlar kelgan. 2015 yilda mamlakat 163 ming, keyingi ikki yil davomida esa 55 ming muhojirni qabul qilgan.

Ta'kidlanishicha, olim tomonidan olingan ma'lumotlar norasmiy hisoblanadi, chunki Shvetsiyada davlat darajasida bunday statistika mamlakatda yashovchi etnik guruhlarni haqoratlashi mumkin degan fikrda olib borilmaydi.