Prezident raisligida videoselektor bo‘lib o‘tmoqda

Bugun, 5 iyun kuni O‘zbekiston Respublikasi prezidenti Shavkat Mirziyoyev rahbarligida videoselektor yig‘ilishi bo‘lib o‘tmoqda. Bu haqda Kun.uz muxbiri xabar berdi.

Yig‘ilish kun tartibida hududlarda byudjyetga qo‘shimcha daromadlarni safarbar qilish, bu borada belgilangan vazifalar ijrosini ta'minlashda Qoraqalpog‘iston Respublikasi, viloyatlar, Toshkent shahri hamda shaharlar va tumanlar mahalliy ijro hokimiyat organlari, soliq va moliya idoralari rahbarlarining shaxsiy mas'uliyati va javobgarligi, shuningdek, respublika hududlarida inflyatsiyaning oldini olish, chorva va boshqa qishloq xo‘jaligi oziq-ovqat mahsulotlari ishlab chiqarishni ko‘paytirish orqali narxlar barqarorligini ta'minlashda hududlar va tarmoqlar rahbarlari tomonidan amalga oshirilayotgan chora-tadbirlar muhokama qilinadi.