Buxoroda o‘z onasini pichoqlagan shaxs ushlandi

Foto: KUN.UZ

10 iyun kuni Buxoro viloyatining Olot tumanida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, shu tumanda yashovchi 32 yoshli Sh.R. mast holda uyida oilaviy janjal oqibatida birga yashovchi 65 yoshli onasi G.N.ning chap ko‘krak qismiga pichoq bilan urib jarohat yetkazgan.

Natijada G.N. kasalxonaga yotqizilgan. Sh.R. ushlangan.