Kim Chen In KXDRning yadroviy qurolsizlanishi bo‘yicha savolga javob qaytarmadi

Foto: REUTERS/Jonathan Ernst

Shimoliy Koreya yetakchisi Kim Chen In jurnalistlarning mamlakat yadroviy qurolsizlanishi bo‘yicha savollariga javob qaytarmadi. Bu haqda RIA «Novosti» xabar bermoqda.

Ta'kidlanishicha, Kim Chen Inga muzokaralarning birinchi qismi, KXDR va AQSh yetakchilari yakkama-yakka suhbatlashishganidan so‘ng shunday savollar bilan murojaat qilishgan.

«Kimdan u yadroviy raketalardan voz kechishi bo‘yicha uch marta so‘rashdi, ammo u javob qaytarmadi», - deya ma'lum qilgan Oq uyga yaqin bo‘lgan muxbirlardan biri.

Eslatib o‘tamiz, avvalroq Tramp Kim Chen In bilan uchrashgani xabar qilingandi.