Xitoy AQShning qaroriga munosabat bildirdi

Foto: Artur Widak/globallookpress

Xitoy AQSh BMTning Inson huquqlari bo‘yicha kengashidan chiqish haqida qaror qabul qilganidan afsusda. Bu haqda Xitoy TIV rasmiy vakili Gen Shuan ma'lum qildi.

«Xitoy AQShning BMT Inson huquqlari bo‘yicha kengashidan chiqish to‘g‘risidagi qarori tufayli afsusda ekanini bildiradi. Inson huquqlari bo‘yicha kengash BMT Bosh assambleyasi tomonidan ta'sis etilgan. Bu inson huquqlarini himoya qilish sohasidagi muloqot va hamkorlik bo‘yicha muhim platformadir. Barcha tomonlar kengash ishiga juda jiddiy e'tibor qaratadi», - deya aytib o‘tdi Gen Shuan.

Uning so‘zlariga ko‘ra, Pekin BMT Inson huquqlari bo‘yicha kengashini bundan keyin ham qo‘llab-quvvatlashda davom etadi.

Eslatib o‘tamiz, avvalroq Isroil AQShning «jur'atli» qarorini olqishlagandi.