Toshkentda 30 mln so‘mlik bolalar tagliklarini o‘marib ketishdi

Toshkent shahrining Yakkasaroy tumanida 2018 yil 17 iyunga o‘tar kechasi noma'lum shaxslar “Adler Group Distribution” MChJ omborxona eshik qulfini buzib, u yerdan umumiy qiymati 30 mln. 30 ming so‘m qiymatida bo‘lgan “Prima” nomli bolalar tagliklarini o‘g‘irlab ketganlar. 

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Ko‘rilgan choralar natijasida ushbu jinoyatni Yashnobod tumanida yashovchilar Sh.T., R.Yo., va Yakkasaroy tumanida yashovchi R.N. sodir etganliklari aniqlanib ushlanganlar.