Bekobod tumani g‘alla topshirish rejasini bajardi

Toshkent viloyati Bekobod tumani fermer xo‘jaliklari tomonidan 14500 ga maydonlarga g‘alla ekilib, mo‘l hosil olindi, deb xabar beradi tuman hokimiyati.

O‘zbekiston Respublikasi prezidentining 2017 yil 15 sentabridagi PP-3281 sonli qaroriga asosan, 32750 tonna g‘alla davlatga sotilishi belgilangan edi. Bugungi kungacha bekobodliklar 33315 tonna g‘alla yetkazib berib, rejani ortig‘i bilan bajarishdi.

Dalalarga «Grom», «Gratsiya», «Krasnodar», «Tanya» navlari ekildi. Eng yaxshi hosildorlik «Grom» navli bug‘doydan olindi. 

Ayni paytda, Bekobod tumanida bug‘doy o‘rimi davom etmoqda. Yana qo‘shimcha 5000 tonna bug‘doy olinishi mo‘ljallanmoqda.

Bekobod tumani hokimligi.