“Одамлар давлатимизга ноқонуний келганларида, биз судсиз уларни дарҳол ортларига жўнатишимиз керак. Бизнинг қонунларимиз дунёдаги энг аҳмоқона қонунлардир”, деб ёзган Трамп твиттерда.
Трамп бу баёнотини унинг миграция сиёсатига қарши 30 июнда АҚШнинг 700дан кўпроқ шаҳрида норозилик намойишлари ўтган бир вақтда билдирган. Намойишчилар чегарада ноқонуний муҳожирлар оила аъзоларини бир-бирларидан айириш сиёсатига қарши чиқмоқдалар. Трамп бу амалиётни ўтган ҳафтада бекор қилганди. Намойишчилар, шунингдек, муҳожирларнинг ҳуқуқий ҳимоя қилинишини талаб қилишмоқда.
