BAA ekoturizmni rivojlantirishga jiddiy kirishdi

BAA Iqlim o‘zgarishi va atrof-muhit masalalari vazirligi mamlakatda ekoturizmni rivojlantirishga doir keng ko‘lamli loyihani ishga tushirdi. Khaleej Times shu haqida xabar berdi. 

BAA hukumati sayyohlar e'tiborini 43 tabiat qo‘riqxonasiga jalb etishmoqchi, ularning maydoni mamlakat hududining 14 foizini tashkil qiladi. 

Loyiha doirasida mamlakatning barcha qo‘riqxonalari haqidagi axborot portali va mobil ilova yaratiladi. Xorijiy mamlakatlardagi diplomatik missiyalar va milliy aviakompaniyalar reyslarida reklama kampaniyalari yo‘lga qo‘yiladi. 

Bugunga kelib dunyodagi barcha turistik sayohatlarning 20 foizga yaqini ekoturizm hissasiga to‘g‘ri keladi. BAA bu yo‘nalishni rivojlantirib, ekoturizmning jahon markazlaridan biriga aylanishni rejalashtirmoqda, deyiladi nashrda.