Geologik qidiruv ishlariga sarmoyalar kiritilishining kamayishi neft narxining keskin, ehtimol bir barreli uchun 150 dollargacha ko‘tarilishiga olib kelishi mumkin. Buning yuz berishi mumkinligiga Sanford C.Bernstein & Co kompaniyasi mutaxassislari yo‘l qo‘yishmoqda, deb xabar bermoqda Bloobmerg.
Oxirgi yillarda jahon bozorida neft taklifi ortib ketgani sababli neft qazib olish sanoatining “yetarlicha moliyalashtirilmaganligi” yuzaga kelgan va geologik qidiruv ishlari eng past darajagacha tushib ketgan.
“Sarmoya kiritilishini qisqartirish va dividendlar oshirilishiga erishmoqchi bo‘lgan neft kompaniyalari boshqaruvchilari neft sanoatining yetarlicha moliyalashtirilmaganidan pushaymon yeyishlari mumkin. Neftning jahon bozoriga yetkazilishining har qanday qisqartirilishi narxlarning o‘ta qimmatlashishiga olib keladi. Ehtimol neft narxi 2008 yil bir barreli 150 dollarga yaqin bo‘lgandagidan ham oshishi mumkin”, deb aytganlar mutaxassislar.
6 iyulda Brent navidagi neft narxi 76,78 dollarni tashkil qilgan. 2017 yil davomida uning narxi deyarli 60 foizga oshgan.
