Bloomberg’ning ma'lum qilishicha, ayni vaqtda Tsukerbergning boyligi 81,6 mlrd dollarni tashkil qilmoqda. Bu esa 81,2 mlrd dollarga ega Baffetnikidan 373 mln dollarga ko‘proqdir. Ta'kidlanishicha, Tsukerberg 6 iyunda Facebook aksiyalari narxi 2,4 foizga qimmatlashgandan keyin Baffetni ortda qoldira oldi.
Reytingda hamon Amazon asoschisi Jyeff Bezos yetakchilik qilmoqda, uning boyligi 142 mlrd dollarga baholangan. 2-o‘rinni Microsoft asoschisi Bill Geyts 94,2 mlrd dollar bilan egallamoqda.
Ta'kidlanishicha, shu tariqa ilk bor dunyoning eng boy odamlari ro‘yxatining eng yuqori 3 pog‘onasini o‘z biznesini axborot texnologiyalari negizida qurgan tadbirkorlar egallamoqda.
