КХДР Олий халқ кенгаши президиуми "ватани ва халқига қарши жиноят қилганлар"ни кечириш тўғрисидаги ҳужжатни тасдиқлади. У 1 августдан кучга киради. Бироқ озодликка чиқадиган маҳбуслар сони ҳақида хабар қилинмаган.
Шимолий Корея сўнгги маротаба 3 йил аввал амнистия актини қўллаган эди. Ўшанда Корея меҳнат партияси ташкил этилганлигининг 70 йиллиги муносабати билан амнистия ҳужжати қабул қилинганди. Бундан аввал 2012 йили республика асосчиси ва биринчи раҳбари Ким Ир Сен таваллудининг 100 йиллиги, унинг ўғли ва вориси Ким Чен Ирнинг 70-йиллиги муносабатлари билан амнистия эълон қилинган эди.
