So‘nggi yillarda O‘zbekistonda xususiy ta'limni rivojlantirishga katta e'tibor berilishi qatorida xorijiy tillarni o‘rganishga ham jiddiy qaralmoqda. Axir “ish bilganga bir tanga, til bilganga ming tanga”, deb bekorga aytilmagan. O‘zbekiston jahon iqtisodiyoti bilan globallashar ekan, bir necha chet tillarini a'lo darajada bilish mutaxassisning katta ustunligi bo‘lmoqda.
Bunda chet tillarni a'lo darajada o‘rgatishni taklif etuvchi o‘quv kurslari xizmatingizga shayligini ta'kidlashadi. Ammo, ayrimlari o‘z xizmatini yetarli darajada tashkil etmagani sababli mijozlar ishonchini oqlay olmaydi. Bunda mablag‘ ikkinchi masala bo‘lsa, qaytarib bo‘lmas vaqt yo‘qotiladi. Shu boisdan ham til o‘rgatish markazlarini tanlashda ularning tajribasi va obro‘si muhim o‘rin tutadi.
Andijon, Namangan, Farg‘ona viloyatlari hududlarida joylashgan “SAKURA” nodavlat ta'lim muassasasi esa, bu borada anchagina tajriba to‘plagan va ko‘plab yoshlarga xorijiy tillarni o‘rgatib kelmoqda. “SAKURA” markazlarida jami 2000 dan ortiq yoshlar bilim olayotgani ham bejizga emas, albatta. Axir, u o‘quv Markaz sifatida yapon tili va boshqa xorijiy tillarni o‘qitish va kurslarni tashkillashtirish bo‘yicha 5 yillik tajribaga ega.
Ko‘p tarmoqli ushbu ta'lim maskanlarida innovatsion g‘oyalar joriy qilingan bo‘lib, asosan yapon tilini o‘rgatishga ixtisoslashgan va Yaponiyaning nufuzli ta'lim muassasalari bilan hamkorlikni yo‘lga qo‘ygan.
“SAKURA” turli xil sohalarda 1000 dan ortiq yurtdoshlarga ko‘mak berib, Yaponiyada 4-5 yil oliy ta'lim olib, malaka oshirish va qo‘shimcha mablag‘ ishlash imkoniyatini taqdim etmoqda.
“SAKURA” orqali Yaponiyada ta'lim olib qaytgan o‘zbekistonliklar vatanlariga qaytib kelganlaridan so‘ng, turli xil sohalarda o‘z faoliyatini davom ettirib, kadrlar muammosini hal qilishga ozgina bo‘lsa-da yordam berishni, yapon tili va madaniyatini mukammal o‘rgatib, kelgusida O‘zbekiston va Yaponiya davlatlari o‘rtasidagi hamkorlik rivojlanishiga hissa qo‘shishni maqsad qilgan.
