Rossiya elchisi: Tramp va Putin uchrashuvi AQShda bunday keskin reaksiyaga sabab bo‘lishini kutmagandik

Rossiyaning Vashingtondagi elchisi Anatoliy Antonov so‘zlariga ko‘ra, mamlakat yetakchisi Donald Tramp va Rossiya prezidenti Vladimir Putinning o‘zaro uchrashuvi AQShda «o‘ta keskin reaksiya» berishini kutmagan edi. Bu haqda «Gazeta.ru» yozmoqda.

Ta'kidlanishicha, Antonov «Valday» xalqaro klubi uchrashuvida shunday bayonot bilan chiqqan.

«Biz reaksiya bo‘lishini kutgandik, biroq u bunday o‘ta keskin darajada yuz berishi haqida o‘ylamagan edik», - deya ma'lum qildi Antonov.

Avvalroq, Oq uy apparati rahbari Jon Kelli AQSh va Rossiya prezidentlari Donald Tramp hamda Vladimir Putin sammiti yakunlari bo‘yicha tashkil etilgan qo‘shma matbuot anjumanida respublikachilarni Qo‘shma Shtatlar yetakchisini ochiq tanqid qilishga chaqirgandi.

Eslatib o‘tamiz, bundan avval Tramp Putin bilan munosabatlari qachon yomonlashishi mumkinligini aytgandi.