Isroil Suriya janubi Damashq nazoratida ekanini tan oladi - OAV

Isroil hukumati Suriya janubiy qismidagi hududlar Suriya Arab Respublikasi hukumati nazoratida ekanini tan olish niyatida. Bu haqda The Washington Post manbalarga asosan yozmoqda.

Nashr ma'lumotlariga ko‘ra, Isroil hukumati Rossiya bilan kelishuvlar doirasida shunday qadamga boradi.

Ta'kidlanishicha, isroilliklar Isroil va Suriya qo‘shinlarini ajratish to‘g‘risidagi kelishuvni amalga oshirish bo‘yicha ham ishlarni boshlaydi.

Shu bilan birga, Rossiya Eron bilan Suriya janubidan eronliklar armiyasini olib chiqib ketish haqida kelishib oladi.

Manbalar so‘zlariga ko‘ra, Rossiya Isroil Eronning mintaqadagi qo‘shinlariga zarba bersa, «bunga qarshilik bildirmaslik majburiyatini» ham oladi.