Tish pastasining xavfi ma'lum qilindi

Texas universiteti olimlarining fikricha, tish pastasi ikkinchi turdagi qandli diabetni chaqirishi mumkin. Bu haqda Chemical Research in Toxicology jurnali xabar bermoqda.

Tadqiqot ma'lumotlariga ko‘ra, tish pastasida bor bo‘lgan E171 titan dioksidi qandli diabetni keltirib chiqarishi mumkin.

Ta'kidlanishicha, olimlar diabet bilan kasallanish sonining o‘sishini tarkibida E171 bor bo‘lgan tish pastasi va kosmetikaning ommaviy ishlab chiqarilishi bilan bog‘lashmoqda.

Shu bilan birga, mutaxassislar o‘z taxminlarini 11 kishidan iborat guruhda o‘tkazilgan tadqiqot yordamida tasdiqlashdi.

Natijalarga ko‘ra, sakkiz kishidan olingan tahlil namunalarida titan dioksidi aniqlandi va ularning bari ikkinchi turdagi diabetdan aziyat chekkan.

Hozirgi vaqtda olimlar kattaroq guruhda tadqiqot o‘tkazishni mo‘ljallamoqda.