Nazarboyev O‘zbekiston prezidentini tabrikladi

Nursulton Nazarboyev Shavkat Mirziyoyevni tug‘ilgan kuni bilan tabrikladi. Bu haqda Oqo‘rda matbuot xizmati xabar tarqatdi.

Ma'lumotlarga ko‘ra, Qozog‘iston prezidenti O‘zbekiston prezidentiga mustahkam sog‘lik, farovonlik va yangi muvaffaqiyatlar tiladi.

Ta'kidlanishicha, davlat rahbarlari Qozog‘iston va O‘zbekiston o‘rtasidagi ikki tomonlama hamkorlik rivojlanib borayotgani, shuningdek, Markaziy Osiyoda kooperatsiya aloqalari kengayayotgani bo‘yicha mamnuniyat izhor etishgan.

Eslatib o‘tamiz, avvalroq Vladimir Putin Shavkat Mirziyoyevga qo‘ng‘iroq qilgani xabar berilgandi.