«Yuventus» «Bavariya»ni mag‘lub etdi

Foto: AP

«Yuventus» Xalqaro chempionlar kubogi uchrashuvida «Bavariya»ni mag‘lubiyatga uchratdi. Filadelfiyadagi «Linkoln Faynenshel Fild» stadionida kechgan bahs Turin klubining 2:0 hisobidagi g‘alabasi bilan yakunlandi.

Bahsdagi hisobni turinliklar hujumchisi Andrea Favilli 32-daqiqada ochdi, u «Bavariya» golkiperi Sven Ulrayxning qo‘pol xatosidan unumli foydalanib qoldi. 21 yoshli forvard oradan 8 daqiqa o‘tib dubl qayd etdi.

«Yuventus» keyingi uchrashuvda «Benfika» bilan kuch sinashadi (28 iyul), «Bavariya» «Manchester Siti»ga qarshi maydonga tushadi (29 iyul).

Yuventus Italiya – Bavariya Germaniya 2:0 (2:0, 0:0)
Gollar: 1:0 – 32 Favilli, 2:0 – 40 Favilli.
Yuventus – Perin (Pinsolo, 71), Kellini (Kaldara, 54), Rugani(Bardzali, 54), Aleks Sandro, Joau Kanselu (Matsek, 71), Djan (Fadjoli, 44), Pyanich (Kastanos, 71), Bernardeski (Mateus Pereyra, 59), Markizio(Fernandes, 46), De Shilo, Favilli (Beltrame, 54).
Bavariya – Ulrayx (Xofmann, 82), Martines (Alaba, 37), Stanishich(Richards, 46), Bernat (Mayyer, 46), Johansson (Rafinya, 46), Riberi (Koman, 46), Tsilla (Chjon Vu Yen, 46), Gnabri (Robben, 46), Shabani (Sanshesh, 46), Will (Tsayzer, 46), Vagner (Vridt, 46).
Ogohlantirish: Kellini (16).