«Manchester Yunayted» «Real»ni mag‘lub etdi

Foto: John Peters/Man Utd via Getty Images

«Manchester Yunayted» Xalqaro chempionlar kubogi uchrashuvida «Real»ni mag‘lub etdi. Mayamidagi (AQSh) «Xard Rock» stadionida kechgan bahs mankunianliklarning 2:1 hisobidagi g‘alabasi bilan yakunlandi.

Uchrashuvdagi barcha gollar birinchi bo‘limda kiritildi. Joze Mourino shogirdlari bellashuvning 27-daqiqasiga kelib 2:0 hisobida oldinga chiqib olishdi - Aleksis Sanches va Ander Errera gol urdi. «Qaymoqranglilar» qo‘shib berilgan uchinchi daqiqada oradagi farqni qisqartirishdi - Karim Benzema o‘z nomini tabloga yozdirib qo‘ydi.

Manchester Yunayted Angliya – Real Madrid Ispaniya 2:1 (2:1, 0:0)
Gollar: 1:0 – 18 Sanches, 2:0 – 27 Errera, 2:1 – 45 Benzema.
Manchester Yunayted – De Xea, Bayi, Shou, Darmian, Mata (Garner, 82), Fred(Tuanzebe, 68), Pereyra, Maktomini (Mitchell, 79), Sanches, Errera, Fosu-Mensa.
Real Madrid – Kasilya (Lunin, 46), Valexo (Nacho, 77), Teo (Regilon, 46), Odriosola (Serxio Lopes, 62), Xaver Sanches, Sebalos (de Tomas, 62), Valverde (Isko, 77), Vinisius Junior (Oskar Rodriges, 62), Lorente(Asensio, 77), Beyl (Edegor, 46; Kroos, 77), Benzema (Mayoral, 46).