Trampning o‘g‘li tahdidlar va uyda «paydo bo‘lgan» oq kukun haqida gapirdi

AQSh prezidenti Donald Trampning o‘g‘li Erik Trampning Fox News telekanaliga bergan intervyusida ma'lum qilishicha, o‘zi va oilasiga tahdidlar bo‘lgan. Trampning so‘zlari The Hill gazetasi tomonidan keltirildi.

Kichik Trampning so‘zlariga ko‘ra, unga va oilasi barcha a'zolariga tahdidlar kuzatilgan. U Tramplarga aynan kim tahdid qilganiga aniqlik kiritmadi, shuningdek, bu tahdidlar haqida tafsilotlarni oshkor qilmadi. Shu bilan birga, uning ta'kidlashicha, ularning uyida oq kukun «paydo bo‘lib qolgan».

«Bizning barchamizda uyda oq kukun paydo bo‘lib qolgandi», - deya aytib o‘tdi Tramp.

Avvalroq, Trampning kelini oq kukunli konvert tufayli kasalxonaga yotqizilgani xabar qilingan edi. Keyinchalik politsiya kukunda shubhali hech narsa topmaganligini xabar berdi.