Mutlaq jangchilar chempionati (UFC) rahbari Dana Uayt rossiyalik jangchi Habib Nurmagomedov va irlandiyalik Konor Makgregor o‘rtasida bo‘lib o‘tadigan bahs haqida o‘z fikrlarini bildirib o‘tdi, deya xabar beradi TASS.
«Bu jangni tasdiqlash qiyin ish bo‘lmadi. Bu Makgregorni superyulduz, Nurmagomedovni esa - haqiqiy qotilga aylantiruvchi narsa. Ularning har ikkisi ham oktagonda qotildir, jang boshlanishi bilan raqibiga to‘g‘ridan-to‘g‘ri tashlanadi. Ikkalasi ham eng kuchli paytida bo‘lib turibdi, bizni o‘ta dahshatli jang kutib turibdi.
O‘ylashimcha, bu jang Makgregor va bokschi Meyuezer o‘rtasidagi jangdan so‘ng kompaniya tarixidagi eng muvaffaqiyatli bo‘ladi», - deya Uaytning so‘zlarini keltiradi mmamania.com.
Eslatib o‘tamiz, avvalroq Habib Nurmagomedov va Konor Makgregor o‘rtasidagi jang sanasi ma'lum bo‘lgandi.
