Dushanba kunidan AQSh Eronga qarshi keng ko‘lamli sanksiyalarni qayta tikladi, ular Eron yadro dasturi bo‘yicha Qo‘shma keng ko‘lamli harakatlar rejasiga erishilgani tufayli avval to‘xtatib qo‘yilgandi. AQSh prezidenti Donald Tramp may oyi boshlarida Vashington Eron bilan yadro dasturi bo‘yicha kelishuvdan chiqishi haqida e'lon qildi. U Tehronga qarshi barcha sanksiyalar, shu jumladan, ikkilamchi, ya'ni Eron bilan biznes yuritadigan boshqa mamlakatlarga nisbatan ham sanksiyalar tiklanishi haqida xabar berdi.
«Eronda shundoq ham cheklangan faoliyatimizni joriy etilgan sanksiyalarga muvofiq to‘xtatdik. Biz siyosiy voqealarni, ayniqsa, yadro bitimi bo‘yicha o‘zgarishlarni diqqat bilan kuzatib boramiz», - deyiladi Daimler’ning bayonotida.
Shuningdek, bayonotda aytilishicha, «Eron iqtisodiyoti va avtomobil bozorlari kutilganidan ancha zaiflashdi».
