Suriya AQShning Eronga qarshi sanksiyalaridan norozi

Suriya AQShning Eronga qarshi sanksiyalarni qo‘llashiga mutlaqo qarshi, deya xabar beradi SANA agentligi Suriya Tashqi ishlar vazirligidagi manbaga asosan.

“Suriya AQSh hukumatining Eronga qarshi chiqarilgan iqtisodiy sanksiyasini qattiq qoralamoqda. Xalqaro huquq me'yorlariga ko‘ra, ushbu bir tomonlama yondashuv AQSh hukumati gegemonligini yaqqol ko‘rsatgan va Eron bilan yadroviy kelishuvni bekor qilganligi uchun butun dunyo ishonchini yo‘qotdi”, - deya ma'lum qilgan manba.

Eronga qarshi yangi iqtisodiy sanksiyalar 7 avgust kuni tasdiqlandi va kuchga kirdi. Unga ko‘ra, Eronning oltin va qimmatbaho metallar, grafitni sotish va uni yetkazib berish yoki alyuminiy, po‘lat kabi metallar importi va eksportiga cheklovlar qo‘yiladi. 

AQSh prezidenti Donald Tramp 8 mayda Eron hukumati ichki va tashqi siyosatini o‘zgartirgunga qadar shartnoma va sanksiyalarni qayta tiklashini e'lon qilgandi. Shartnomaning qolgan a'zolari hali ham kelishuvga amal qilib kelishmoqda. Yevrokomissiyaning xabar qilishicha, Yevropa Ittifoqi 7 avgustdan boshlab Yevropa kompaniyalarini himoya qilish maqsadida AQShning Eronga qarshi sanksiyasiga taqiq qo‘ydi.