Erdo‘g‘an rasmiy tashrif bilan Germaniyaga boradi

Turkiya prezidenti Rajab Toyyib Erdo‘g‘an 28-29 sentabr kunlari rasmiy tashrif bilan Germaniyaga boradi.

Bu haqda Germaniya prezidenti ma'muriyatiga tayanib DPA axborot agentligi xabar berdi.

Tashrif doirasida Erdo‘g‘an Germaniya kansleri Angela Merkel bilan muzokara o‘tkazadi.

Xabarga ko‘ra, hozirda tomonlar Turkiya rahbarining tashrif dasturini kelishib olish uchun «yaqin muloqotda» bo‘lib turibdi.

Avvalroq GFR prezidenti Frank-Valter Shteynmer Rajab Toyyib Erdo‘g‘anni Germaniyaga taklif qilgandi. Ammo tashrifning aniq muddati aytilmagandi.