Turkiya AQSh sanksiyalariga e'tibor bermaydi. Erondan gaz sotib olish davom ettiriladi

Turkiya energetika va tabiiy resurslar vaziri Fotih Denmezning ma'lum qilishicha, Turkiya AQShning sanksiyalariga qaramay, Eron gazini sotib olishni davom ettiradi. Bu haqda RIA «Novosti» xabar qilmoqda.

«Biz uchun energetik xavfsizlik juda muhim, Eron bilan gaz shartnomasiga egamiz, uning amal qilish muddati - 2026 yilgacha. Unga muvofiq, biz yiliga 9,5 milliard kub metr tabiiy gaz sotib olamiz. Fuqarolarimizni sovuqda va elektr energiyasiz qoldirishni istamaganimiz uchun, shartnomani amalga oshirish davom ettiriladi», - deya aytib o‘tdi Denmez.

Shuningdek, uning ta'kidlashicha, Eronga qarshi sanksiyalar bo‘yicha AQShning qarori bir tomonlamadir.

Eslatib o‘tamiz, avvalroq AQSh prezidenti Donald Tramp Eron bilan biznes yuritadigan mamlakatlarga ultimatum qo‘ygandi.